4 MACAM PERBENDAHARAAN SARUGA

Sasuai jo judul nan ambo bacokan sabantako “ado 4 macam nan manjadi perbendaharaan sarugo” sia nan alah mangarajokan salah satu dari nan ampek itu, atau alah mangamalkan kampek-ampek-anyo, itu berarti inyolah lah mambuek dan mangisi perbendaharaan sarugo, untuk kaparaluannyo bisuak diakhirat,

Manyo perbendaharaan sarugo nan ampek.? Telah bersabda Rasulullah Saw. Yang diriwayatkan oleh al-khatib daripado Ali Karamallahu wajhah.

أَرْبَعٌ كَنْزُ الْجَنَّةِ :اِخْفَآءُ الصَّدَقَةِ وَ صِلَةُ الرَّحِيْمِ وَ قَوْلُ لاَ حَوْلَ وَ لاَ قُوَّةَ إِلاَّ بِاللهِ

Artinyo:Ado ampek macam perbendaharaan  sarugo: menyembunyikan sadaqah, silaturrahim, dan mangucappkan kalimah La-haula wala Quwata illa billah”

Perbendaharaan dalam hadist diateh,mungkin bahaso kitonyo kucio,jadi ado ampek macam nan tamasuak kacio sarugo.

Nan partamu:nan tamasuak kacio sarugotu adolah Manyembunyikan sadaqah,manyuruak-nyuruak-an sadaqah, indak dinampak-an kaurang lain, ba-a kok diandok-andoak-an bana sadaqah awaktu sadaqah awaktu ne-e..? kok ndak dinampak-nampak-an ka urang lain…? Karano supayo labiah tapaliharo daripado parasaan riya, sabab kito tahu bahwasonyo riyako mamunahan amal ibadat, nan anjek bisa jadi saketek, nan panuah bisa manjadi kurang, nan kurang bisa jadi habih kalau amal ibadat awaktu dicampuri dengan siriya.

Sadaqahtu ado 3 macamnyo:

1. basadaqah jo harato bando.

Nan ditumpangan Allah ka awak, harato nan ado diawak itu adolah tamasuak amanah Allah nan paralu dipaliharo, bagi urang nan punyo haratotu hanyolah hak pakai nan ado di inyo, hak miliknyo adolah Allah Swt. Mari kito sadaqahkan harato nan ditumpangkan allahtu, sadaqahkan untuk mambangun surau, mambangun musajik, mambantu fakir miskin, dan lain sebagainyo.

2.Basadaqah jo tanago.pitih ndak ado  tapi tanago lai ado, mako basadah dengan tanago, dipagunokan tanago nan dibari Allah ka-awaktu untuak menta’atinyo.ditolong saudaro awak nan mambutuhkan pertolongan. Kato urang minang “senteang bilai-mambilai, kurang tukuak manukuak.

3.Basadaqah jo ilmu pengetahuan

.Saku ditabangan angin, bakarajo ndak talok,baboban lamah, bajalan payah, akan tetapi ilmu lai ado, mako basadaqah jo ilmu pengetahuan, agiah urang ide-ide nan elok, pengetahuan nan baguno, usulan-usulan nan mambangun kapado agamo, tunjuak manunjuak sesamo awak, jan badandam bakasumaik, manih dimuluik pahik dihati,mangguntiang dalam lipatan, manuhuak kawan sairiang. Kok memang inyo salah diagiahnyo nasehat, diagiahnyo pelajaran. Kok ndak tahunyo diagiahnyo pengetahuan. Iko adolah tamasuak basadaqah jo ilmu pengetahuan  nan dibarikan Allah kapado awak.

Kaum muslimin Rahimakumullah … … …

Sadaqah nan tigo macam taditu adolah tamasuak perbuatan nan bapahalo,dan juo tamasuak celeangan sarugo bagi pelakunyo.

Namun nan paralu bana dikana, bahwasonyo sadaqah awaktu bisa binaso, amal ibadat awak bisa punah kalau dimasuki riya. Dalam sebuah hadist pernah diterangkan:

Sesuatu nan paliang ambo camehan terhadapa kamu adolah Syirik ketek lalu dtanyo nabi oleh para sahabat apotu nan dikatoan Syirik ketektu Ya Rasulullah, jawab Nabi:Syiriak ketektu adolah Riya.Bisuak Allah akan berfirman pado hari pembalasan kapado urang nan beramal karano riatu “ Pailah kalian kapado urang-urang nan kalian peliek-an amalan kalian kapado mereka itu samaso didunia, mako caliaklah apokoh kamu mandapek kebaikan dari mereka itu…?

Baitulah keadaan urang-urang nan beramal tidak karano Allah. Mako itulah sebabnyo sadaqahtu kok dapek jan dinampak-nampak-an bana, tapi walaupun baitu kunci sagalo amal ibadat awaktu adolah niat. Niaik nan elok akan menghasilkan nan elok, dan niat nan buruak tetntu akan menghasilkan nan buruak pulo.

Nan Kaduo nan manjadi kucio sarugo yaitu menyembunyikan musibah.

Nan dikatokan musibah itu adolah :  “

كُلُّ مَا سَاءَ الْمُؤْمِنَ فَهُوَ مُصِيْبَةٌ

Tiook-tiok sesuatu nan menyakitiorang  mukmin mako itu adolah musibah” tanaman dimakan ulek, taranak sakik, badan luko, harato musnah, tubuah bapinyakik. Itu adolah musibah, pokoknyo apo sajo nan marusuahkan kapado urang mukmin mako itu ado musibah, nah musibah nan manimpo awaktu, hendaknyo kito sembunyikan, indak talalu mangaluah awak, supayo musibah nan manimpo awaktu manjadi kucio sarugo.

Nan dimukasuak manyembunyikan musibahtu adolah sabar awak katiko ditimpo musibah, tabah menghadapi cobaan nan dibarikan Allah Swt. Firman Allah dalam Al-Quran surat Al-Baqarah Ayat 155.

Nä3¯Ruqè=ö7oYs9ur &äóÓy´Î/ z`ÏiB Å$öqsƒø:$# Æíqàfø9$#ur <Èø)tRur z`ÏiB ÉAºuqøBF{$# ħàÿRF{$#ur ÏNºtyJ¨W9$#ur 3 ̍Ïe±o0ur šúïÎŽÉ9»¢Á9$# ÇÊÎÎÈ

 “Dan sungguh akan kami cobai kamu dengan sesuatu dari ketakutan, kelaparan, dan kekurangan harta benda, diri, buah-buahan, dan berilah kabar gembira orang-orang yang sabar.

Sahinggo dengan adonyo perasaan sabar pado diri awak, mako kalualah kato-kato nan elok dimiluik awak  yaitu:

إِنَّا ِللهِ وَ إِنَّا إِلَيْهِ رَاجِعُوْنَ

 Baik katiko kito ditimpo oleh musibah maupun mandanga urang lain nan ditimpo musibah. Seluruhnyo kito kumbalikan kapdo Allah “Kami miliak Allah dan kami akan kumbali kapado Allah”

Nan katigo kacio sarugo adolah mehubuangkan tali silatur-Rahim.

 Mandakek kapado persatuan manjauh daripado permusuhan, manjago tali silaturahim jan sampai putiah, hubuangkan tali silaturrahim sasamo mukmin. Menjalin hubuangan tali silaturrahim adolah malapangkan kehidupan awak, mambuek kito hiduik bahagia, tentram dan aman. Oleh karano itu urang nan salalu manjago hubuangan tali silatur-Rahim berarti inyolah mandapek kacio sarugo untuak bekal dihari akhir nantiknyo.

Nan ka ampek maucapkan kalimah “LA HAULA WALA QUWWATA ILLA BILLAH” Kato-kato seprti iko adolah suatu bukti bahwa urang nan maucapkannyo adolah urang nan beriman, tidak sombong dalam kehidupannyo sahinggo katiko dio manamui perkaro-perkaro yang besar. Kalua dari mulutnyo La haula wala quwwata illa billah “tiado dayo dayo dan upayo malaikan Allah”

Ma’asyiral Muslimin Rahimakumullah ... ...

Urang padang ma-anik banang

  Dianik lalu diparampek

    Parampek lalu diperlapan

      Dirantang namuahnyo panjang

        Elok dipunta naknyo singkek

          Songkek sakadar kadiamalkan

Ado ampek macam nan manjadi kacio sarugo:

menyembunyikan sadaqah

Menyembunyikan Musibah

Menjalin hubungan tali silatur-Rahim

Mengucapkan kalimah “La Haula wala Quwwata illa Billah

Marpati batalue hijau

  Jatuah kalantai pacah-balah

    Luko hati bukan dek pisau

      dek kalatiak ujuang lidah

Mohon ma’af ateh sagalo kakurangan, tarimo kasih ateh sagalo perhatian.

Billahhi Taufik wal hidayah.

Wassalamu’alaikum WW.

              

                   08-08-2008

            FM. SUPRIADI. TK.SINARO